စီနီယာများ၏စကားသံ

ကျွန်မက ၂၀၀၉ ခုနှစ်မှစပြီး Myanmar DCR တွင်အလုပ်ဝင်ခဲ့ပြီးနောက် ပရောဂျက်အမျိုးမျိုးတွင် ပါဝင်ဆောင်ရွက်ခဲ့ပါတယ်။ လက်ရှိမှာတော့ Project Leader အဖြစ် တာဝန်ထမ်းဆောင်နေပါတယ်။ Japan နိုင်ငံမှာလည်း System Engineer အဖြစ်သွားရောက် အလုပ်လုပ်ကိုင်ခဲ့ရပြီး နည်းပညာပိုင်းနှင့် ကိုယ်တိုင်တိုးတက်ရေးအတွက် တန်ဖိုးရှိတဲ့ အတွေ့အကြုံကောင်း များစွာရရှိခဲ့ပါတယ်။ ကုမ္ပဏီက ဝန်ထမ်းတစ်ဦးစီတိုင်းရဲ့ IT၊ စီမံခန့်ခွဲမှုနှင့် ဂျပန်ဘာသာစကားစွမ်းရည်များ တိုးတက်ကောင်းမွန်လာစေရန် စဉ်ဆက်မပြတ် ပံ့ပိုးပေးလျက်ရှိပါတယ်။ ဂျပန်စာနှင့် ITကို စိတ်ဝင်စားသူများအတွက် Myanmar DCR က အခွင့်အလမ်းကောင်းများစွာရရှိနိုင်တဲ့ ကုမ္ပဏီတစ်ခု ဖြစ်ပါတယ်။

ကျွန်မနာမည်က မွန်မွန်ဇော်ပါ။ ၂၀၀၉ ခုနှစ်မှစ၍ MDCR တွင် အလုပ်လုပ်ကိုင်ခဲ့ပါတယ်။ ကွန်ပျူတာတက္ကသိုလ်မှ B.C.Sc (Hons) IT Software အထူးပြုဘွဲ့ရရှိထားထားပြီး လက်ရှိမှာ စီးပွားရေးနဲ့ ခေါင်းဆောင်မှုစွမ်းရည်တွေ မြှင့်တင်ဖို့ MBA ဘွဲ့ကို သင်ယူနေပါတယ်။ ဂျပန်ဘာသာစကား သင်ယူရာမှာ ကြိုးစားအားထုတ်ခဲ့ခြင်းကြောင့် cross-cultural teamများတွင်လည်း ထိရောက်စွာ ပူးပေါင်းဆောင်ရွက်နိုင်ပါတယ်။ ၁၆ နှစ်တာလုပ်သက်အတွင်း Programmer မှစတင်၍ Group Leader၊ Sub Leaderနှင့် BridgeSE အဖြစ်လည်း ဂျပန်တွင် ထမ်းဆောင်ခဲ့ပြီး လက်ရှိတွင် Project Manager အဖြစ် တာဝန်ယူလျက်ရှိပါတယ်။ MDCR သည် အရည်အချင်းနှင့် လုံ့လဝီရိယကို အသိအမှတ်ပြုသော ဂျပန်ပိုင်ကုမ္ပဏီတစ်ခုဖြစ်ပြီး ပရော်ဖက်ရှင်နယ်နဲ့ ကိုယ်ရေးကိုယ်တာ တိုးတက်မှု နှစ်မျိုးလုံးအပြင် အရည်အသွေးမြင့်ပရောဂျက်များတွင် ပါဝင်ဆောင်ရွက်နိုင်ရန် အခွင့်အလမ်းများလည်း ပေးအပ်ထားပါတယ်။ အလုပ်အကိုင်စတင်ရန် ရှာဖွေနေသော ပညာရှင်များအတွက် MDCR က အကောင်းဆုံးသော ရွေးချယ်မှုတစ်ခုဖြစ်ကြောင်း ယုံကြည်ပါတယ်။

ကျွန်မက ၂၀၀၉ ခုနှစ်မှစပြီး Myanmar DCR တွင်အလုပ်ဝင်ခဲ့ပြီးနောက် ပရောဂျက်အမျိုးမျိုးတွင် ပါဝင်ဆောင်ရွက်ခဲ့ပါတယ်။ လက်ရှိမှာတော့ Project Leader အဖြစ် တာဝန်ထမ်းဆောင်နေပါတယ်။ Japan နိုင်ငံမှာလည်း System Engineer အဖြစ်သွားရောက် အလုပ်လုပ်ကိုင်ခဲ့ရပြီး နည်းပညာပိုင်းနဲ့ ကိုယ်တိုင်တိုးတက်ရေးအတွက် တန်ဖိုးရှိတဲ့ အတွေ့အကြုံကောင်းများစွာရရှိခဲ့ပါတယ်။ ကုမ္ပဏီက ဝန်ထမ်းတစ်ဦးစီတိုင်းရဲ့ IT၊ စီမံခန့်ခွဲမှုနှင့် ဂျပန်ဘာသာစကားစွမ်းရည်များ တိုးတက်ကောင်းမွန်လာစေရန် စဉ်ဆက်မပြတ် ပံ့ပိုးပေးလျက်ရှိပါတယ်။ ဂျပန်စာနဲ့ ITကို စိတ်ဝင်စားသူများအတွက် Myanmar DCR က အခွင့်အလမ်းကောင်းများစွာရရှိနိုင်တဲ့ ကုမ္ပဏီတစ်ခု ဖြစ်ပါတယ်။

ကျွန်မနာမည်က ချယ်ရီထွန်း ဖြစ်ပြီး၊ ၂၀၁၀ ခုနှစ်ရဲ့ ဝန်ထမ်းပါ။ ကျွန်မက Project Leader ရာထူးကို တာဝန်ယူဆောင်ရွက်နေပါတယ်။ Myanmar DCR က ဘွဲ့ရပြီး ကျောင်းပြီးခါစ လူငယ်တွေအတွက် အခွင့်အလမ်းတွေ အများကြီးရှိတဲ့ ကုမ္ပဏီဖြစ်ပါတယ်။ ဂျပန်စာအခြေခံကအစ IT ပညာရပ်တွေပါ လေ့ကျင့်ပျိုးထောင်ပေးတာကြောင့် ကြိုးစားသလောက် ကိုယ်မျှော်လင့်ထားတဲ့ ပန်းတိုင်ကို မြန်မြန် ရောက်နိုင်မှာပါ။ လုပ်ငန်းခွင်အတွေ့အကြုံတွေ ယူရင်း ဂျပန်နိုင်ငံရဲ့ တိုးတက်နေတဲ့ ပညာရပ်တွေ၊ အရေးကြီးတဲ့ Business Manner တွေကိုပါ လေ့လာသင်ယူနိုင်မှာ ဖြစ်ပါတယ်။ MDCR မှ ဝန်ထမ်းသစ်များသာမက အတွေ့အကြုံရှိ ဝန်ထမ်းများကိုလည်း ကြိုဆိုနေပါတယ်။

Myanmar DCR ကို ၂၀၁၁ ခုနှစ်မှာ ဝင်ရောက်ခဲ့ပြီး လက်ရှိမှာ SAP ပရောဂျက်တွေကို ၁၀နှစ်ကျော် Support ပေးနေတဲ့ Teamကို Leadလုပ်နေပါတယ်။ Japanနှင့် Malaysiaရှိ ပါတနာကုမ္ပဏီများနှင့် ဆက်သွယ်လုပ်ကိုင်ရင်း ဂျပန်နှင့် အင်္ဂလိပ် ဘာသာစကားများလည်း တိုးတက်အောင်ကြိုးစားနိုင်ခဲ့ပါတယ်။ ၂၀၂၀ ခုနှစ်မှစ၍ Work From Home အခွင့်အရေးကို ရရှိခဲ့ပြီး ပိုမိုအဆင်ပြေ အကျိုးရှိစွာ လုပ်ကိုင်နိုင်ခဲ့ပါတယ်။ လက်ရှိဝန်ထမ်းများ၊ အသစ်ဝင်ရောက်လာမည့် ဝန်ထမ်းများနှင့်အတူ ဆက်လက်ပူးပေါင်းလုပ်ကိုင်ရင်း Customers များ၏ လိုအပ်ချက်များကို ဖြည့်ဆည်းကာ ကုမ္ပဏီနှင့်အတူ တိုးတက်အောင်မြင်ရန် ကြိုးစားနေပါတယ်။

ကျွန်မကတော့ ၂၀၁၁ ခုနှစ်ဝန်ထမ်း နန်းဇင်မျိုးသော် ဖြစ်ပါတယ်။ B.C.Sc (Hons) ဘွဲ့ရရှိထားပြီး လုပ်သက် ၁၄ နှစ် ရှိပါပြီ။ ဒီ company က ဂျပန်စာနှင့် IT ကို အခြေခံမှ စ၍ သင်ပေးတာကြောင့် ကျွန်မလို ကျောင်းပြီးတာနှင့် အလုပ်တန်းဝင်တဲ့သူအတွက် အရမ်းကို အဆင်ပြေခဲ့ပါတယ်။ ဒီ ၁၄ နှစ်အတွင်း များစွာသော System Development တွေလုပ်ခဲ့ရပြီး ဂျပန်စာရော IT မှာပါ ကိုယ့်ရဲ့ အရည်အချင်းကို မြှင့်တင်နိုင်ခဲ့ပါတယ်။ အသင်းအဖွဲ့ဖြင့် ပူးပေါင်းလုပ်ဆောင်တတ်သော skill နှင့် ဂျပန်လူမျိုးများ၏ အလုပ်လုပ်ပုံကိုလည်း လေ့လာသင်ယူခွင့် ရခဲ့ပါတယ်။ လက်ရှိတွင် Project Leader အနေနှင့် တာဝန်ထမ်းဆောင်လျက်ရှိပြီး memberတွေနှင့် အတူတူ customer တွေအတွက် အရည်အသွေးကောင်းတဲ့ system တွေကို တူတူကြိုးစားပြီး ပြုလုပ်ပေးလျက်ရှိပါတယ်။

အမက ၂၀၁၁ ခုနှစ်တွင် Myanmar DCR တွင် ဝင်ရောက်ခဲ့ပြီး၊ အဲဒီအချိန်မှာ ဂျပန်ဘာသာစကားနှင့် IT နယ်ပယ်အတွေ့အကြုံ မရှိခဲ့ပါဘူး။ MDCR ထဲ ဝင်ပြီးနောက်၊ IT နှင့် ဂျပန်ဘာသာစကား သင်တန်းများနှင့် On-the-Job Training (OJT) များမှတဆင့် လက်တွေ့ အတွေ့အကြုံများ ရရှိခဲ့ပြီး ကုမ္ပဏီ Project များတွင်လည်း တက်ကြွစွာ ပါဝင်ကူညီနိုင်ခဲ့ပါတယ်။ အခုလိုအဆက်မပြတ် တိုးတက်မှုများကြောင့် IT နှင့် ဂျပန်နယ်ပယ်နှစ်ခုစလုံးတွင် ယုံကြည်မှုရှိရှိ ထိရောက်စွာ အလုပ်လုပ်နိုင်ခဲ့ပြီး ယနေ့အချိန်တွင် Project Leader အဖြစ် တာဝန်ထမ်းဆောင်နေရတာကို ဂုဏ်ယူမိပါတယ်။ MDCR သည် ဝန်ထမ်းများ၏ တိုးတက်မှုနှင့် ဖွံ့ဖြိုးမှုကို အမြဲတမ်း ပံ့ပိုးပေးပြီး၊ လေ့လာရန်၊ တိုးတက်ရန်နှင့် အသက်မွေးဝမ်းကျောင်း၌ အောင်မြင်ရန် အခွင့်အလမ်းများပေးနေသော ကုမ္ပဏီဖြစ်ပါတယ်။ IT နယ်ပယ်ထဲမှာ ကျွမ်းကျင်သူဖြစ်ဖို့ ကြိုးစားချင်သူတိုင်းကိုလည်း အမတို့MDCRကုမ္ပဏီက နွေးထွေးစွာကြိုဆိုလျက်ရှိပါတယ်။

Myanmar DCR သည် အိုင်တီနယ်ပယ်တွင် အခွင့်အလမ်းများစွာ ပေးစွမ်းနိုင်သော နေရာဖြစ်ပါတယ်။ ၂၀၁၁ ခုနှစ်တွင် ဘွဲ့ရပြီး အလုပ်အတွေ့အကြုံ မရှိသေးချိန်တွင် MDCR တွင် ဝင်ရောက်ခဲ့ပြီး အိုင်တီပညာရှင်တစ်ဦး ဖြစ်လာရန် အကောင်းဆုံးအခွင့်အရေးကို ရရှိခဲ့ပါတယ်။ အလုပ်ဝင်ပြီးနောက် ပြည်တွင်းနှင့် ပြည်ပ ပရောဂျက်များမှတဆင့် နည်းပညာဆိုင်ရာ ကျွမ်းကျင်မှုများ၊ စီမံခန့်ခွဲမှု စွမ်းရည်များနှင့် အခြားသော ပညာရပ်ဆိုင်ရာ အရည်အချင်းများ မြှင့်တင်နိုင်ခဲ့ပြီး အသင်းအဖွဲ့နှင့် လုပ်ကိုင်ခြင်း၊ တာဝန်ယူမှုတို့၏ အဓိပ္ပာယ်ကို နားလည်သဘောပေါက်လာခဲ့ပါတယ်။ လုပ်ငန်းခွင်အပြင် ဝန်ထမ်းများအတွက် တစ်နှစ်ပတ်လုံး လှုပ်ရှားမှု အစီအစဉ်များရှိပြီး ပျော်ရွှင်ဖွယ်ရာ ပတ်ဝန်းကျင်ကို ဖန်တီးပေးထားပါတယ်။ လက်ရှိတွင် ကုမ္ပဏီနှင့်အတူ အိပ်မက်များကို အကောင်အထည်ဖော်ပြီး အနာဂတ်ကို တည်ဆောက်ရန် ကြိုးစားနေပါတယ်။

ကျွန်မက ၂၀၁၁ ခုနှစ်တွင် Myanmar DCR Companyကို စတင်ဝင်ရောက်ခဲ့ပါတယ်။ နေရာတိုင်းမှာ အတွေ့အကြုံရှိ ဝန်ထမ်းများကိုသာ ခေါ်ယူနေချိန်တွင် ဂျပန်စာနှင့် IT အတွေ့အကြုံ မရှိသည့် ကျွန်မအတွက် အလုပ်ဝင်ခွင့်ရရှိခဲ့တဲ့အတွက် အရမ်းပျော်ရွှင်ခဲ့ပါတယ်။ ဝင်ရောက်ပြီးနောက် ဂျပန်စာ၊ IT၊ Communication၊ Teamwork၊ Management နှင့် Problem-Solving Skill တွေကို အခြေခံကစပြီးသင်ကြားပေးသောကြောင့် ဂျပန်သို့ BSEအဖြစ် အစေလွှတ်ခြင်းခံရတဲ့အခါမှာလည်း အခက်အခဲမရှိခဲ့ပါဘူး။ လက်ရှိတွင် ဂျပန်တွင် လေ့လာသင်ယူခဲ့သော Project ရဲ့ Leader အဖြစ် တာဝန်ထမ်းဆောင်နေပါတယ်။ MDCR သည် အတွေ့အကြုံမရှိသေးသည့် IT စိတ်ဝင်စားသူများအတွက် လက်မလွှတ်သင့်တဲ့ အခွင့်အရေးဖြစ်ပြီး အသစ်ဝင်လာမည့် ဝန်ထမ်းများနှင့်အတူ Customer များအတွက် အကောင်းဆုံးစိတ်ကျေနပ်မှုပေးနိုင်အောင် အတူကြိုးစားဖို့ နွေးထွေးစွာ စောင့်ကြိုနေပါတယ်။

IT နဲ့ Japan ဘွဲ့ မရခဲ့တာက အဓိကမဟုတ်ပါဘူး။ စိတ်ဝင်စားဖို့သာ အရေးကြီးပါတယ်။ စိတ်ဝင်စားမှုနဲ့ လုပ်ချင်စိတ်ကို လက်ကိုင်ထားပြီး IT နယ်ပယ်မှာ အတော်ဆုံးဖြစ်အောင် ကြိုးစားကြပါစို့။ MDCR ဟာ အဲဒီလို လူမျိုးတွေကို မြေတောင်မြောက်ပေးဖို့ အသင့်ရှိနေပါတယ်။ မိသားစုစိတ်ဓာတ်နဲ့ ဝန်ထမ်းတွေအပေါ် အုပ်ချုပ်မှုကို MDCR တစ်ခုထဲမှာ သေချာစွာ ထားရှိထားပါတယ်။ MDCR ဝန်ထမ်းဖြစ်ရတာ အရမ်းဂုဏ်ယူမိပါတယ်။

Myanmar DCR မှကြိုဆိုပါတယ်။ အကောင်းမြင်စိတ်ရှိပြီး ကြိုးစားချင်သူ၊ ကိုယ့်ကိုယ်ကို တိုးတက်အောင်မြင်ချင်ပြီး၊ ကိုယ့်ပတ်ဝန်းကျင်ကိုလည်း တိုးတက်အောင်မြင်အောင် ကူညီပေးချင်သူ၊ ပျော်ရွှင်နွေးထွေးတဲ့ ပတ်ဝန်းကျင်မှာ အလုပ်လုပ်ချင်သူ၊ အချင်းချင်း ကူညီထောက်ပံ့ပေးတဲ့အဖွဲ့နှင့် အတူတကွ အလုပ်လုပ်ချင်သူ၊ အသေးအမွှားကနေ ကြီးကြီးမားမားကိစ္စများအထိ ဘယ်သူနှင့်မဆို တိုင်ပင်လို့ရတဲ့ နေရာတစ်ခုကို လိုချင်သူ၊ Hard Skill နှင့် Soft Skill နှစ်ခုလုံးကို တစ်ပြိုင်နက်တည်း ရယူချင်သူ၊ အကယ်၍ သင်သည် ထိုလူများထဲမှ တစ်ဦးဖြစ်ပါက MDCR သည် သင့်အတွက် တစ်ခုတည်းသော ရွေးချယ်မှုဖြစ်ပါတယ်။ MDCR နှင့် ပေါင်းစပ်ပြီး အတူတကွ ကြိုးစားကြပါစို့။

ကျွန်တော်က ၂၀၁၃ ခုနှစ်မှာ စတင်ဝင်ရောက်ခဲ့တာကြောင့် Myanmar DCR မှာ ဆယ်စုနှစ်တစ်ခု‌‌ကျော် ရှိပါပြီ။ MDCR ရဲ့ အားသာချက်ကတော့ နယ်ပယ်အသီးသီးတွင် အတွေ့အကြုံကြွယ်ဝပြီး ကျွမ်းကျင်သော ဝန်ထမ်းများစွာရှိသည့်အတွက် အခက်အခဲတစ်ခုခုကြုံတွေ့လာပါက အမြဲတမ်း အတူညှိနှိုင်းဆွေးနွေးနိုင်မယ့် ပတ်ဝန်းကျင်ရှိနေတာပါ။ Global Project များတွင် လုပ်ဆောင်နေတဲ့အတွက် နိုင်ငံခြားလုပ်ငန်းခွင် အတွေ့အကြုံအခွင့်အလမ်းများစွာ ရရှိနိုင်ပါတယ်။ ထို့အပြင် ဝန်ထမ်းတိုင်း၏ အရည်အချင်း တိုးတက်စေရန် ကုမ္ပဏီအတွင်း Training အမျိုးမျိုးကိုလည်း ကုမ္ပဏီက ပံ့ပိုးပေးနေပါတယ်။ စွမ်းဆောင်ရည်များကို လျင်မြန်စွာ တိုးတက်စေရန် အထောက်အကူဖြစ်စေမည့် ပတ်ဝန်းကျင်တစ်ခုအဖြစ် Myanmar DCR ကို အတူတူ ခံစားနိုင်မယ်လို့ ယုံကြည်ပါတယ်။

၂၀၁၂ ခုနှစ်မှာ ကျောင်းပြီးပြီးနောက် Myanmar DCR မှာ ၂၀၁၃ ခုနှစ် ဝန်ထမ်းအနေနှင့် အလုပ်ဝင်ရောက်ခဲ့ပါတယ်။ ၂၀၁၅ ခုနှစ်မှာ ပထမအကြိမ် ဂျပန်ကို သွားပြီး customer site ရဲ့ အလုပ်သဘောသဘာဝကို လေ့လာခဲ့ပြီး မြန်မာရုံးမှာ Leader အနေနှင့် Project ကို စတင်ခဲ့ပါတယ်။ ၂၀၁၈ ခုနှစ်မှာ ဒုတိယအကြိမ် ဂျပန်ကို ပြန်သွားခဲ့ပြီး customer site မှာ ၄နှစ်ကျော်အလုပ်လုပ်ခဲ့ပါတယ်။ ထို့နောက် မြန်မာနိုင်ငံကို ပြန်လာပြီး လက်ရှိအထိ Project Leader အနေနှင့် ဆက်လက်လုပ်ကိုင်လျက်ရှိပါတယ်။ ကျောင်းပြီးတာနှင့် အလုပ်ဝင်ခဲ့တာဖြစ်လို့ စိတ်ပူမှုတွေရှိခဲ့ပေမယ့် အခုတော့ Project ကို ကောင်းကောင်း စီမံခန့်ခွဲနိုင်တဲ့ Leader တစ်ယောက် ဖြစ်လာခဲ့ပါတယ်။ အခုလို ကိုယ်ရဲ့ career path မှာ အောင်မြင်အောင် support ပေးနိုင်တဲ့ Myanmar DCR ကနေ အတူတူ လက်တွဲလုပ်ကိုင်ဖို့ ဖိတ်ခေါ်ပါရစေ။

Myanmar DCR မှာ ၁၀ နှစ်တာ အလုပ်လုပ်စဉ်အတွင်း IT အတွေ့အကြုံ မရှိပေမယ့်၊ လေ့လာသင်ယူခွင့်နှင့် တာဝန်၏ အရေးပါမှုတို့ကို သိရှိနားလည်ခွင့်တွေ ရခဲ့ပါတယ်။ ဒီခရီးကို အမှန်တကယ်ထူးခြားစေခဲ့တာကတော့ နွေးထွေးပြီး ပံ့ပိုးပေးတဲ့ ပတ်ဝန်းကျင်နှင့် အသင်းအဖွဲ့စိတ်ရှိတဲ့ အဖွဲ့ဝင်တွေရဲ့ ပူးပေါင်းဆောင်ရွက်မှုပါပဲ။ ဒီလိုအဖွဲ့တစ်ဖွဲ့ရဲ့ တစ်စိတ်တစ်ပိုင်းအဖြစ် ပါဝင်ခွင့်ရတဲ့အတွက် တကယ်ကို ကျေးဇူးတင်မိပါတယ်။ ရှေ့ဆက်ပြီးလည်း ပိုပြီး တိုးတက်အောင် ကြိုးစားသွားမှာ ဖြစ်ပါတယ်။

အစ်မက ၂၀၁၆ ခုနှစ်တွင် MDCR ကုမ္ပဏီသို့ ဝင်ရောက်ခဲ့ပြီး ၁၀ နှစ်တာအတွင်း ပရောဂျက်များစွာတွင် ပါဝင်ဆောင်ရွက်ခဲ့ပါတယ်။ အဖွဲ့လိုက် လုပ်ဆောင်နိုင်မှု၊ ဆက်ဆံရေး ကျွမ်းကျင်မှု၊ စီမံခန့်ခွဲမှုနှင့် ညှိနှိုင်း ဆောင်ရွက်နိုင်မှု အရည်အချင်းများ တိုးတက်အောင် မြှင့်တင်နိုင်ခဲ့ပါတယ်။ MDCR ၏ အားသာချက်မှာ ပြဿနာ သို့မဟုတ် စိုးရိမ်မှုရှိသည့်အချိန်တွင် အကြံဉာဏ် တောင်းနိုင်သည့် အထက်အရာရှိများနှင့် Senior များ ရှိခြင်းဖြစ်ပါတယ်။ ထို့အပြင် နှစ်စဉ်ကျင်းပသည့် Happy Activities များ၊ အမျိုးမျိုးသော Event များနှင့် ဝန်ထမ်းများ၏ ကျွမ်းကျင်မှု တိုးတက်စေရန် လေ့ကျင့်သင်ကြားမှုအစီအစဉ်များမှတဆင့် ဝန်ထမ်းတိုးတက်မှုကို အမြဲတမ်း ပံ့ပိုးပေးနေပါတယ်။ ဂျပန်ဘာသာနှင့် IT ကို စိတ်ဝင်စားပြီး စိန်ခေါ်မှုယူလိုသူများအတွက် အတွေ့အကြုံမရှိသူများလည်း ဝင်ရောက်နိုင်သည့် ကုမ္ပဏီဖြစ်မယ်လို့ ယုံကြည်ပါတယ်။

ကျွန်မတို့၏ကုမ္ပဏီတွင် ပရောဂျက်စီမံကိန်းရေးဆွဲခြင်းမှ ဖွံ့ဖြိုးတိုးတက်မှုနှင့် ပြန်လည်သုံးသပ်ခြင်းများအထိ အကျယ်တဝင့် လေ့လာသင်ယူနိုင်သလို နည်းပညာအသစ်တွေကိုလည်း လက်ခံကျင့်သုံးနိုင်ခဲ့ပါတယ်။ အလုပ်ခွင်ကလည်း ပံ့ပိုးကူညီမှုအပြည့်နှင့် ပွင့်လင်းမြင်သာတဲ့ ပတ်ဝန်းကျင်ဖြစ်တာကြောင့် ယုံကြည်စိတ်ချစွာ အလုပ်လုပ်ကိုင်နိုင်ပါတယ်။ IT အတွေ့အကြုံရှိသူများသာမက အခြေခံကနေ စတင်လေ့လာနေသူ၊ အတွေ့အကြုံမရှိသေးသူများအတွက်လည်း အကောင်းဆုံးသော လုပ်ငန်းခွင် ပတ်ဝန်းကျင်တစ်ခုပဲ ဖြစ်ပါတယ်။ အတူတကွ တိုးတက်အောင်မြင်ပြီး စိန်ခေါ်မှုအသစ်များကို အတူတူ ရင်ဆိုင်ကြပါစို့။